Amharic/አማርኛ

1. ማህበረሰቡ በባህልና እሴቶች ዙሪያ የሰራቸው ስራዎች

      1.1. የሴቶችን እኩልነት በማረጋገጥ

ማህበረሰቡ ሴቶች ላይ ይፈጸሙ የነበሩ የተለያዩ ጥቃቶችን፣ የጉልበት ብዝበዛና የስነ-ልቦና ጉዳት በማስቆም የሴቶችን እኩልነት አረጋግጧል፡፡ ማህበረሰቡ ይህን ማረጋገጥ የቻለውም፡-

Ø  ሴት ልጆች ከ18 ዓመት በታች ጋብቻ እንዳፈጽሙ በመደረጉ፣

Ø  ሴቶች የራሳቸውን እጣ ፋንታ በራሳቸው እንዲወስኑና ሙሉ መብት ያላቸው በመሆኑ፣

Ø  ከሚፈልጉት ወንድ ጋር ጋብቻ የመፈጸም ሙሉ መብት ያላቸው በመሆኑ፣

Ø  ሴቶች ፆታን መሰረት ካደረገ የስራ ጫና እንዲላቀቁ በመደረጉ፣

Ø  ወላድ እናቶች ከወለዱበት ቀን ጀምሮ ለአንድ ወር ያህል እንክብካቤ እንዲያገኙ መደረጉ፣

Ø  ወላድ እናቶች በወሊድ ጊዜ 3 ወር ረፍት የማግኘት መብት ያላቸው በመሆኑና ስራ ሲጀምሩ በሚችሉት ስራ እንዲመደቡ መደረጉ፣

Ø  በአጠቃላይ ሴቶች በትምህርት፣ በስራ፣ በአመራር ሰጪነት፣ ንብረትን በማስተዳደር፣ ተወያይቶ ውሳኔ በመስጠት ወዘተ የእኩልነት መብታቸው የተጠበቀ ነው። 

   1. 2 ልጆችን በጥሩ ስነ–ምግባርና በትምህርት ኮትኩቶ በማሳደግ

   ማህበረሰቡ በልጆች አስተዳደግ ላይ እየሰራቸው ካሉት ስራዎች መካከልም፡-

Ø ሁሉም ህጻናት ከ3 ዓመታቸው ጀምሮ የቅድመ-መደበኛ ትምህርት እንዲያገኙ ይደረጋሉ፡፡

Ø በቅድመ-መደበኛ ት/ት ቆይታቸው ፊደሎችን እንዲለዩና ጥሩ ስነ-ምግባር እንዲላበሱ ይደረጋል፡፡

Ø ህጻናት 7 ዓመት ሲሞላቸው ወደ መደበኛ ትምህርት እንዲገቡ ይደረጋሉ፡፡

Ø ልጆች ከትምህርት መልስ የሚኖራቸውን ጊዜ የጨዋታ፣ የጥናትና የስራ ጊዜ ብለው  በማቀድ በእቅድ መመራትን ይለማመዳሉ፡፡

Ø ልጆች በቤተሰብ ውይይት ሀሳባቸውን በነጻነት በማቅረብና ውይይቱን የመምራት መብት አላቸው፡፡

Ø ልጆች በአቅማቸው ስራን ተለማምደው፣ የአደንዛዥ እፆችን ጉዳት አውቀው፣ ከደባል ሱሶች ነጻ ሆነው እንዲያድጉ የሚደረግበት ሁኔታ ተዘርግቷል፡፡

Ø “መብታችን ተጓድሏል” ብለው የሚያስቡ ከሆነ ጥያቄያቸውን እንዲያቀርቡ በማድረግ  መብታቸው የሚከበርበት አሰራር ተመቻችቷል፡፡

Ø  ማህበረሰቡ ከ2000 ዓ.ም ጀምሮ በዲፕሎማና ከዚያ በላይ የት/ት ደረጃ 88 ወጣቶችን በጥሩ ስነ-ምግባር አስተምሮ ለሀገር እድገት የበኩሉን አስተዋፆ አበርክቷል

1. 3 መጥፎ አስተሳሰብ፣ አነጋገርንና አሰራርን አስወግዶ በጎ አሰራሮችን በማጎልበት

Ø  ማህበረሰቡ የሰው ልጆችን የሚጎዱ መጥፎ አሰራርና አነጋገርን ሙሉ በሙሉ በማስወገድ መልካም አስተሳሰብን፣ አነጋገርንና አሰራርን አጎልብቷል፡፡

Ø  ለአብነትም ማህበረሰቡ የራሱ ያልሆነን ገንዘብ ወድቆ ሲያገኝ ለባለቤቱ ተመላሽ ያደርጋል፡፡ በዚህም ረገድ፡-

ü  ወድቀው የተገኙ በርካታ ሀብቶችን ወዲያውኑ ለባለቤታቸው ተመላሽ እያደረገ ይገኛል፡፡

ü  ባለቤቱ ያልተገኘ ብር 6,261 ይህን ለሚመለከተው ኮሚቴ ገቢ ተደርጓል፡፡

ü  ለኮሚቴ ገቢ ከተደረገው ውስጥ ብር 303 ከቀናት በኋላ ለባለቤቱ ተመልሶ ቀሪው ባለቤቱ ያልተገኘ ብር 5958.75 ለልማት እንዲውል ተደርጓል፡፡

   1.4 ጥቅል ወገንተኛነትን በማጎልበት

Ø  “ሁሉም የሰው ልጆች በሰውነታቸው ወንድም እህት ናቸው” በማለት በሰው ልጆች መካከል ባዕድ ዘመድ የሚለውን የተበጣጠሰ ወገንተኝነት አስቀርቷል፡፡

Ø  የተበጣጠሰ ወገንተኝነትን በማስቀረት ጥቅልና ሙሉ የሰው ልጆችን ወገንተኝነት በመቀበል ሁሉንም የሰው ልጆች ወገኑ አድርጎ ይዟል፡፡

   1.5 ሙሉ ሰላምን በማረጋገጥ

Ø  ማህበረሰቡ ለሰው ልጆች ሙሉ ክብር በመስጠት ዘላቂ ሰላም እሚረጋገጥበትን ስልት በመንደፍ በማህበረሰቡ መካከል ሙሉ ሰላምን እንዲረጋገጥ አድርጓል፡፡

Ø  ሙሉ ሰላምን ማረጋገጥ የቻለውም ለሚከሰቱት አለመግባባቶች መፍቻ ቁልፎችን መጠቀም በመቻሉ ነው፡፡

Ø  አለመግባባቶችን የሚፈቱባቸው ቁልፎችም፡-

ü  ችግሩ በሚፈጠርበት ወቅት በሚደረግ የእርስ-በርስ ውይይት፣

ü  በየሁለት ሳምንቱ አንዴ በሚካሄደው ሰላምን ፍለጋ የቤተሰብ ውይይትና

ü  ሶስተኛ ወገንን /ቅሬታ ሰሚ ኮሚቴን/ በመጠቀም በሚደረጉ ውይይቶች ነው፡፡

Ø  ማህበረሰቡ ሙሉ ሰላምን ለማረጋገጥ የተጠቀመባቸው ስልቶችም፡-

ü  “ለሰው ልጅ ትልቁ ሀብቱ ሰው ልጅ ነው” በማለት ለሰው ልጆች ሙሉ ክብር መስጠት በመቻሉ፣

ü  “ጠብን ከመሳል ይልቅ ፍቅርን እየሳልን ብንሄድ ጠብ ካለበት ተንኖ ይጠፋል” በማለት ልዩ ትኩረት ሰጥቶ መንቀሳስ በመቻሉ፣

ü  በውይይቱ በማመን እውነታውን አውጥተው መፍትሄ ላይ መድረስ ስለሚሰሩ፣

ü  አሉባልታ /ሀሜት/ ቢከሰት በመነጋገር የመፍታት ልምድ በመኖሩ፣

ü  ጥፋተኛ ሆኖ የተገኘው ሰው በስሜታዊነት ጥፋቱን ወዲያውኑ ለማስተካከል ፈቃደኛ ባይሆን ራሱን የሚመረምርበት ጊዜ በመስጠት ችግሩን እንዲያርም ስለሚደረግ፣

Ø  ማህበረሰቡ በአካባቢው ማህበረሰብ በተለያዩ ምክንያቶች የተከሰቱ ከ20 በላይ የሚሆኑ ግጭቶችን የሽምግልና ስራ በመስራት አስታርቆ ሰላም እንዲፈጠር አድርጓል፡፡

1. 6 ጎጅ ልማዳዊ ድርጊቶችን በማስወገድ

ማህበረሰቡ ጎጅ ልማዳዊ ድርጊቶች ናቸው ብሎ ያመነባቸው ቀጥሎ የተዘረዘሩት ሲሆኑ እነዚህን ድርጊቶችን ሙሉ በሙሉ እንዲወገዱ አድርጓል፡፡

Ø  የጤና ችግር የሚያመጡ እንደ እንጥል ማስቆረጥ፣ ግግ ማስፈልፈል፣ የሴት ልጅ ግርዛትና  የመሳሰሉት፤

Ø  ኢኮኖሚያዊ ብክነት የሚያመጡ እንደ የተንዛዛ የለቅሶ ስርዓት፣ ሰርግና የተለያዩ አላግባብ የሆኑ የድግስ ስርዓቶች፤

Ø  ማህበራዊ ቀውስን የሚያስከትሉ እንደ የልጅነት ጋብቻ፣ ጠለፋና ደባል ሱሶችን መጠቀምና የመሳሰሉት ናቸው፡፡

    1.7 ጠንካራ የስራ ባህልን በማረጋገጥ

Ø  ማህበረሰቡ ጠንካራ የስራ ባህልን በማረጋገጥና በርትቶ በመስራት ለሌላው የአካባቢው የህብረተሰብ ክፍልም ምሳሌነቱን እያሳየ ይገኛል፡፡

Ø  ማህበረሰቡ ጠንካራ የስራ ባህልን ያዳበረውም፡-

ü  “ከትንሽ ስራ በመነሳት ትልቅ መሆን ይቻላል” በማለት ስራ ሳይንቁ ለሁሉም ስራ እኩል ክብር ሰጥቶ መስራት በመቻሉ፣

ü  ቀናትን አንዱን ከአንዱ ሳይለያይና ሳያበላልጥ ሁሉንም ቀናት በስራ ስለሚያውል፣

ü   “የሴትና የወንድ ስራ” በማስቀረት ሁሉንም ስራ የሴቱም የወንዱም ማድረግ በመቻሉ፣

ü  አባላት ዕውቀታቸውንና ጉልበታቸውን አቀናጅተው በመተሳሰብ፣ በመደጋገፍና በመተባበር በጋራ የመስራት ልምድ በማዳበራቸው፣

ü  ከስራ ጠባቂነት ወደ ስራ ፈጣሪነት በመሸጋገር ወደ ተለያዩ የማምረትና አገልግሎት ሰጭ የስራ ዘርፎች ለመሰማራት በመቻሉ፣

ü  ልጆች ከቀለም ትምህርታቸው ጎን ለጎን እንደአቅማቸው የስራ ምንነትን ለምደው እንዲያድጉ በመደረጉ

1.8 ራሳቸውን መደገፍ ለማይችሉ ወገኖች ዋስትና በመሆን

Ø  ለአረጋዊያንን፣ ድንገተኛ ችግር ላጋጠማቸው ወገኖችና ለተማሪዎች ድጎማ በማድረግ ዋስትናቸውን እየጠበቀ ይገኛል

Ø  በዚህም ረገድ ባለፉት ጥቂት ዓመታት ብቻ

ü  ለአረጋዊያን ብር 560,491.59

ü  የባሰ ችግር ላጋጠማቸው የማህበረሰቡ አባላት ብር 256,322.15

ü  ከማህበረሰቡ ውጭ ችግር ለገጠማቸው ወገኖች ብር 324,212.50

ü  ለተማሪዎች ብር 340,870.97 ድጋፍ ተደርጓል፡፡

Ø  የስራ ዕድል ያላገኙ ወገኖችን የስራ ዕድል እንዲያገኙ በማድረግ በኩል

ü  ለ174 አባላቱ

ü  ለ5 ቋሚና ከ30 በላይ ጊዚያዊ ቅጥር ሰራተኞችና

ü  ለ27 በተለያየ ሙያ ለተመረቁ ወጣቶች የስራ ዕድሎችን ፈጥሯል፡፡

Ø  በርካታ አቅመ–ደካሞችን ከአቅማቸው ጋር የሚመጣጠን ስራ በመስጠት እንደማንኛውም አባል እኩል ተጠቃሚ እንዲሆኑ ይደረጋል፡፡

Ø  በጤና ችግር ምክንያት ለዓመታት በስራ ገበታ ላልተገኙ አባላት የጥቅሙ እኩል ተካፋይ እንዲሆኑ ይደረጋል፡፡

Ø  ለአካባቢው ወጣቶች የሙያ ልምዶችን በማካፈል ራሳቸውን የሚመሩበት ልምድ እንዲያገኙ በማስቻል ስራ አጥነትን እንዲቀንስ አድርጓል፡፡

2. በቱሪዝምና በትምህርት ዘርፍ የተሰሩ ስራዎች

2. 1 በማህበረሰቡ ቱሪዝሙን ለማሳደግ የተሰሩ ስራዎች

Ø  የወረዳው ባህልና ቱሪዝም ጽ/ቤት በ2012 በጀት ዓመት ዓለም አቀፍ የቱሪዝም ቀንን፣ ወረዳዊ ፌስቲቫልን አውራ አምባ ላይ ሲያከብር በጀትና ሌሎች ድጋፎችን በማድረግ የማስተዋወቅ ስራ ተሰርቷል፡፡

Ø  በእሴቶቹ ዙሪያ ግንዛቤ ለመፍጠር በየደረጃው ካሉ አመራሮች ጋር ውይይቶች ተድርገዋል፡፡

Ø  የባህል ቡድን በማቋቋም የማህበረሰቡን ባህልና እሴቶች ለማስፋት እንቅስቃሴ ተድርጓል፡፡

Ø  ማህበረሰቡን በተለያዩ ሚዲያዎች የማስተዋወቅ ስራ ተጀምሯል፡፡

Ø  አካባቢውን ሳቢና ማራኪ ለማድረግና ኢኮኖሚያዊ ጠቀሜታ ያላቸው ችግኞች ተተክለው እንክብካቤ እየተደረገላቸው ይገኛል፡፡

Ø  የቱሪስቶችን ቆይታ ለማራዘም

ü  1 ሬስቶራንትና 26 ማረፊያ ክፍሎች ተዘግጅተዋል፣

ü  የ24 ሰዓት ኢንተርኔት አገልግሎት የማሟላት ስራ ተሰርቷል፡፡

ü  ለኃይል መቆራረጥ ችግሮች አማራጭ የሶላር ፓናል ተዘርግቷል፡፡

ü  የጉብኝት ቦታዎችን የማጽዳትና የማስዋብ ስራዎች ተሰርተዋል፡፡

2.2 በት/ት ዙሪያ የተሰሩ ስራዎች

Ø  ማህበረሰቡ ከፍተኛ መስዋትነትን በመክፈል ከ2002-2011 ዓ.ም ድረስ ብር 4,490,441.73 ወጪ በማድረግ ት/ቤቶችን በአቅራቢያው እንዲከፈቱ አድርጓል፡፡

Ø  ማህበረሰቡ ት/ቤቶችን ለመክፈት የተነሳሳውም

ü  የትምህርት ተደራሽነትን ለማሳደግና

ü  የተማሩ ሰዎችን ወደ ማህበረሰቡ በማቅረብ የልምድ መለዋወጫ ለማድረግ ነው፡፡

• •